Baada ya kuachana na benchi la ufundi, uongozi wa klabu ya Yanga umefanya kikao na wachezaji kuwakumbusha kuwa wanapaswa kujituma ili kuendelea kubaki ndani ya klabu hiyo
Mwenyekiti wa Kamati ya Ufundi, Dominic Albinus amesema hawatamvumilia mchezaji yeyote ambaye atashindwa kuwajibika kwa ajili ya Yanga
"Benchi la ufundi limeondoka baada ya vikao husika vya ndani na uongozi wote kukubaliana kwamba kocha aondoke lakini pia tumeongea na wachezaji na kuwaambia kuwa wao ndio sababu ya benchi kuondoka"
"Wanapaswa kujituma kwa ajili ya nembo ya klabu, hatutamvumilia mchezaji ambaye hapambanii klabu yetu," alisema Albinus
Jana jioni uongozi wa Yanga ulitangaza kumfuta kazi kocha Cedric Kaze na benchi lake la ufundi baada ya mfululizo wa matokeo mabaya
Yanga inasuka upya benchi lake la ufundi, zoezi hilo likitarajiwa kukamilishwa ndani ya wiki hii
