Aussems atajwa ukocha Yanga

Taarifa ya uhakika ni kuwa uongozi wa klabu ya Yanga umewasiliana na kocha wa AFC Leoprads Patrick Aussems ambaye alijiunga na timu hiyo mwezi uliopita

Kocha huyo wa zamani wa klabu ya Simba, anapigiwa chapuo kuchukua nafasi iliyoachwa na Cedric Kaze aliyefutwa kazi jana

Yanga iko kwenye mchakato wa kulisuka upya benchi lake la ufundi, majina kadhaa ya makocha yanatajwa kuwa kwenye orodha ya wadhamini GSM

Aussems alipata mafanikio wakati akiinoa klabu ya Simba, akifanikiwa kutwaa ubingwa wa ligi kuu pamoja na kusaidia timu hiyo kutinga hatua ya makundi ya michuano ya ligi ya mabingwa msimu wa 2018/19

Uongozi wa Yanga  unahaha kusuka benchi la ufundi haraka ili kutumia vyema wiki tatu za mapumziko kabla ya ligi kuu kurejea mwezi April