Yanga imelazimika kutoka nyuma kupata ushindi muhimu wa mabao 2-1 dhidi ya Mashujaa Fc katika mchezo wa ligi kuu ya NBC uliopigwa uwanja wa KMC Complex.
Chrispine Ngushi aliwaadhibu waajiri wake wa zamani Yanga kwa bao la mapema dakika ya 7 lakini Peter Shalulile akairejesha Yanga mchezoni kabla ya mapumziko akimalizia pasi kutoka kwa Stephane Aziz Ki ambaye alirejea kikosini leo baada ya kumaliza adhabu ya kad nyekundu.
Yanga ilitengeneza nafasi nyingi kwenye kipindi cha kwanza lakini ni wazi Mashujaa Fc watamshukuru mlinda lango wao kwa alifanya kazi nzuri ya kuokoa michomo hatari.
Kipindi cha pili ni kama Wananchi walipunguza kasi huku Mashujaa Fc wakimalisha zaidi eneo lao la ulinzi huku wakitumia mashambulizi ya kushitukiza.
Hata hivyo alikuwa ni Clement Mzize aliyeifungia Yanga bao la ushindi muda mfupi baada ya kuingia kipindi cha pili akichukua nafasi ya Juma Abushir 'Chuga Boy'.
Ni mchezo ambao Yanga ilihitaji ushindi zaidi ili kurejesha morali ya timu baada ya kukosa ushindi katika mechi mbili zilizopita za ligi.
